Ibarrekolandako HNB

2015/03/30

2407 kilometroa

Igandean Ibarrekolanda Institutuko Gotzone irakaslea eta Iraide ikaslea zorionekoak izan ziren lekukoaren superbotereak sentitzeko. Sirimiria lagun goizeko 7:30ean hartu zuten 19. Korrikako lekukoa. Hurrengo bideoan ikusgai,

2015/03/28

KORRIKA EGUNA, 63 KM BAIETZ!

Euriari esker Institutuko kiroldegian egin diogu aurre Korrika Eguneko erronkari, 63 km baietz!
Goizeko 8:00etatik 14:30etara bueltak egiten egon gara ehunka ikasle eta irakasle. Jarritako kopurua 13:30ean lortu dugu, azkenean 77 izan dira bete ditugun kilometroak. Esandakoa hurrengo bideoan ikusgai dago,

Amaieran, kiroldegiko erdialdean bildu gara Iker eta Sarak ekitaldirako sortu duten abestia entzuteko. Lekukoan sartu dugun testua Batxilergo 1. mailako Iraidek idatzi du eta berak irakurri ostean denok oporretara joan gara!
Hauxe testua:
" Mugarik ez duen herriak, mugarik ez duen hizkuntzak, zenbatu ezin diren urtez gure nortasuna eraiki dutenak. Gu denok jaio aurretik borrokatzen ziharduen herria, hizkuntza baten alde borroka. Gaur borrokak darrai, nahiz eta askok gu seinalatu, gu ezabatu nahi, hemen gaude, nortzuk garen aldarrikatuz.

Herri oso baten nahia, herritarron helburu, eguneroko lagun eta gaueko maitale, arima bizirik eukitzeko osagai. Hitzik gabe ezin hitz egin, hizkuntza gabe ezin izan. Hortaz, izan gaitezen, izan gaitezen nahi duguna, izan gaitezke aske. Aske adierazi ahal izateko, aske bizitzeko, aske garena ozen ohiukatzeko.

Euskaldunak gara, baina ez dezagun ahaztu abestiak dioen bezala euskara dela euskaldun egiten gaituena. Lau haizetara zabalduko dugu gurea dena, osatzen gaituena, euskara baita daukagun altxorrik preziatuena. "

2015/03/26

Bertan Bilbo

Pedro Zuberogoitia gidari Bilbo eta euskara hiri ibilbidea egin dute Batxilergo Zientifikoko 25 ikaslek Kultur Astearen barruan.

Nondik gatozen eta zertan ari garen ezagutu dute, biharkoa euren esku dago!

2015/03/24

Fausto arrakastatsua

Batxilergoko ikasleekin leporaino bete dugu Kontserbatorioko auditorioa Fausto herritar eredugarri antzezlana ikusteko. Gazteak termometro ezinhobea dira obraren arrakasta neurtzeko, oraingoan aulkitik mugitu gabe eta begiak zabal zabalik egon dira hasieratik amaieraraino. Zorionak artista guztiei!

Amaieran Batxilergo Eszenikoko ikasleek Galder Perezekin, obraren zuzendaria, hitz egiteko aukera izan dute.

2015/03/17

Fausto Ibarrekolanda Institutuan

Institutuko kultur astearen barruan Fausto antzezlana ikusteko aukera paregabea izango dute Batxilergoko ikasleek martxoaren 24an, Kontserbatorioko areto nagusian.

2015/03/14

Gu euskahaldunak gara

Ostegunean Urepelen hasiko den Korrikaren dokumentala hemen

2015/02/20

EUSKARAREN HERRIAK 2015

Euskara gelatik ateratzeko asmoarekin Euskararen Herriak izeneko bidaia egin dute otsailaren 11tik 13ra Batxilergo 2. mailako 29 ikaslek, Roberto eta Patxi irakasleekin.

Gipuzkoatik, Lapurditik eta Nafarroatik ibili dira: Mutriku, Zumaia, Andoain, Hernani, Hendaia, Ezpeleta, Zugarramurdi, Urdazubi, Sara. Egitaraua trinkoa eta askotarikoa

Atseden tokiak Hondarribiko aterpea eta Zugarramurdiko Graxiana aterpetxea izan dira.

Hiru eguneko laburpena twitterren eta bideo honetan,

2015/02/16

Bertso saioa areto nagusian

Elorri Bertso Eskolako gazteen bertsoak entzuteko aukera izan zuten DBH 4. mailako ikasleek otsailaren 10ean.

2015/02/05

Arrano arrantzalea

Prest aldizkarira ikasturtero bidaltzen dugun kolaborazioa urtarrileko zenbakian irakurgai dago

2015/01/27

Gaur Harrapazank!

Gaur, arratsaldean, DBH eta Batxilergoko ikasleek Harrapazank! programaren nondik norakoak entzuteko eta galdetzeko aukera izan dute

2015/01/23

Surf egiten edo

Batxilergo 1. mailako ikasleek Sopelako hondartzan ikasitakoa argitaratu dute Elgera aldizkariko azken zenbakian.

2015/01/10

Euskaraz zubiri zubiri ekitaldiko bideoa

Hona hemen Patxo Landa irakasleak editatu duen bideoa. Mila esker!

2014/12/23

Lemak, aingurak flashmoba sarean

Berri Txarrak taldearen lemak, aingurak abestiarekin Flashmoba egin genuen Konsterbatorioko plazan abenduaren 3an, Euskararen Egunean. Dagoeneko sarean ikusgai dago. Zorionak egileei eta parte hartzaile guztiei.

2014/12/17

Entzumen eza

Elgera aldizkariaren 7. zenbakia kalean dago. Oraingoan azaleko protagonistak Ibarrekolandako ikasleak dira. Boiz, Maria eta Maialen.

2014/12/13

Herri Kirolen arratsaldea

Euskararen Eguneko astean, abenduaren 2an, Herri Kirolen arratsaldea antolatu zuten Eider, Javi eta Raulek DBH-ko ikasleentzat. Arrakasta itzela. Zorionak!

2014/12/10

Kontserbatorioko ekitaldia Euskararen Egunean

Deustualdeko Ikastetxeok Euskararen Eguna Kontserbatorioan ere ospatu genuen. Lehiaketen sari banaketarekin batera Institutuko Eszenikoko ikasle eta irakasleen kolaborazioa aipatu behar dugu.
Irudiak lekuko

Eta hemen emanaldi aurreko entsegua

2014/12/01

E-uskaraz!

DBH 4. mailako Araitz Azkuek irabazi du aurtengo pegatina lehiaketa. Zorionak!

2014/11/28

EUSKARAZ, ZUBIRI ZUBIRI

Euskararen Egunean Bilboko 13 ikastetxeko ikasle eta irakasleen giza katea osatuko dugu

DENOK KORRIKARA

Korrika 19ren kanta Urepeletik Bilbora

2014/05/11

ELGERA 6. zenbakia: inkesta eta Uriola

Ikasturte honen azken zenbakian 2 artikulu idatzi ditugu: inkesta eta teknologia berriak.

2014/04/10

IBARREKOLANDA PARIS 2014

Batxilergoa 1. mailako 102 ikasle Roberto, Iber, Cristhian, Amaia, Manu, Angel, Almudena, Javi eta Patxi irakasleekin Parisera joan dira martxoaren 30etik apirilaren 5era. Laburpena twitterren eta bideoan

2014/03/28

Nahia Quincoces: mendiko eskiko txapelduna

Batxilergoko ikasleen Heziketa Fisikoko irakaslea da Nahia Quincoces, eta mendiko eskian goi-mailako kirolaria. Eskuzabal, hitzaldi bat emateko proposamena onartu zuen DBH 1. eta 2. mailako ikasleen zorionerako.

Mila esker Nahia!

Ikas2deak: Amagoia Aizpuru

Ikas2deak programatik Amagoia Aizpuru harrera familia profesionala etorri da. Entzuleak DBH 4. mailako ikasleak, Batxilergo 1. mailako Gizarte Zientzietakoak eta Animazio Sozikulturala zikloko ikasleak.

2014/03/22

Elgera 5. zenbakia: Ibarrekolanda BHI

Ikasleen 3 artikulu argitaratu dira Elgera aldizkariaren 5. zenbakian

2014/03/05

Pankreas: aurre estreinaldiko OPI-ak

Patxo Telleriaren hitzak, gutxi gorabehera: " ... bertsoz idatzitako lehenengo antzezlanaren munduko lehenengo ikusleak ZUEK izan zarete ...".

Otsailaren 28an Batxilergo Eszenikoko ikasleak Iñaki, Patxi eta Patxo irakasleekin Harrobia Eskenara joan ziren bertsoz idatzitako lehenengo tragikomediaren aurre estreinaldia ikustera. Ikasleen zain egon ziren Jokin Oregi zuzendaria, Joseba Apaolaza, Mikel Martinez eta Patxo Telleria antzezleak Oso Pertsona Inportanteekin egiten den moduan. Ikuskizunaren amaieran galderak egiteko aukera izan zuten. Ahoa bete hortz gelditu ziren.

Antzezlanaren estreinaldia Arriaga Antzokian izango da martxoaren 12an eta 13an.
ESKERRIK ASKO Tartean Teatroko partaide guztiei.

2014/02/28

We can do it!

Mozorro sexisten aurkako kanpaina egin dute Umorez talde feministako lagunek.

Atzo deialdia zabaldu zuten:
BIHAR DANOK WE CAN DO IT! GOGORATU: BUZOA EDO ALKANDORA URDINA, PRAKA BAKERUAK ETA ZAPI GORRIA BURUAN! ANIMA ZAITEZ ETA PARTE HAR EZAZU!

Gaur pozik egoteko erantzuna jaso dute. Zorionak!

2014/02/24

URIOLA badator!

Berri onak!

Bilbon informazioa euskaraz, digitalean eta auzolanean zabaltzeko uriola.info sortu dute BERTON, PREST! eta BILBO HIRIA IRRATIAk TOKIKOMen laguntzarekin.

Aurkezpena Kafe Antzokian, etzi

2014/02/17

EGA 2014: atariko proba larunbatean

40 gazte ari dira EGA prestatzen gure Institutuan 2013-14 ikasturtean. Guztira 3 talde osatu ditugu, batzuk astelehenen-asteazkenetan, eta, besteak astearte-ostegunetan. Ikastaroa Matxintxu euskaltegiarekin elkarlanean antolatu dugu.